Send a message
ⴰⴼⴰⴷ ⴰⴷ ⵉⴹⴼⵕ ⵉⵙⵡⴰⵍⴰⵜⵏ ⵏⵏⵙ ⵉⵎⴰⵢⵏⵓⵜⵏ, ⵉⴳⴳ ⵓⵙⵇⵇⵉⵎ ⵓⵏⵎⵏⴰⴹ ⵙⴰⵜ ⵜⵙⵇⵇⵉⵎⵉⵏ ⵜⵉⵎⵖⵍⴰⵍⵉⵏ ⴱⴹⴰⵏⵉⵏ ⵅⴼ ⵎⴽⴰⴷ :
- ⵜⴰⵙⵇⵇⵉⵎⵜ ⵏ ⵜⵎⵙⴰⵙⵜⵍⵜ, ⴷ ⵜⵖⴰⵡⵙⵉⵡⵉⵏ ⵜⵉⵥⵕⴼⴰⵏⵉⵏ ⴷ ⵓⵙⵖⵉⵡⵙ, ⴰⵙⵍⵡⴰⵢ ⵏⵏⵙ ⵎⴰⵙⵙ ⵎⵓⵃⵎⵎⴰⴷ ⴱⵉⵢⵥⵕⴰⵏ, ⵜⵡⴰⵍⴰ ⵜⴰⵖⵓⵔⵉ ⵏ ⵜⴳⵔⵓⵎⵎⴰ ⵏ ⵉⵙⴷⴰⵡⵏ ⵉⵣⴷⵉⵏ ⴷ ⵓⵥⵕⴼ ⴷ ⵓⵙⵡⵓⴷⴷⵓ ⵏ ⵜⵎⵙⴰⵙⵜⵍⵜ ⵏ ⵓⵙⵇⵇⵉⵎ ⵎⴽⵍⵍⵉ ⴷ ⵢⵓⵙⴰⵏ ⴳ ⵉⵎⴰⴳⵔⴰⴷⵏ 97 ⴷ 98 ⵏ ⵓⵙⴰⴹⵓⴼ ⴰⵎⵙⵙⵓⴷⵙ 111-14 ⵏⵏⴰ ⵉⵙⵏⵎⴰⵍⴰⵏ ⵜⵉⵎⵏⴰⴹⵉⵏ:
- ⴰⵙⵎⵓⵜⵜⴳ ⵏ ⵉⵙⵏⴼⴰⵔⵏ ⵏ ⵜⵎⵙⴰⵙⵜⵍⵜ;
- ⴰⵏⵏⵓⵕⵥⵎ ⵏ ⵉⵎⵉⴹⴰⵏⵏ ⵓⵙⵍⵉⴳⵏ ⴷ ⵜⵎⵙⴰⵙⵜⴰⵍⵉⵏ ;
- ⵜⵓⴳⵉ ⵏ ⵜⴷⵔⴰⵡⵉⵏ ⵏ ⵜⴳⵎⵉ ⵜⴰⵏⵎⵏⴰⴹⵜ… ;
- ⵜⵓⴳⵉ ⵏ ⵜⵎⵢⴰⵡⴰⵙⵉⵏ ⵉ ⵜⴳⵎⵉ ⵜⴰⵏⵎⵏⴰⴹⵜ ;
- ⴰⵣⵣⴳⵓ ⵏ ⵉⵜⵉⴳⵏ ⵏ ⵉⵣⵔⴼⴰⵏ ⴷ ⵜⴼⴳⵓⵔⵉⵏ ⵍⵍⵉ ⵜⴻⵜⵜⴰⵎⵥ ⵜⵎⵏⴰⴹⵜ ;
- ⴰⵎⵄⴰⵏ, ⵜⴰⵎⵔⵏⵉⵡⵜ ⴷ ⵓⵎⵓⵜⵜⵉ ⵏ ⵉⵕⵟⵟⴰⵍⵏ ;
- ⴰⵙⵎⵓⵜⵜⴳ ⵏ ⵉⵖⴰⵡⴰⵙⵏ ⵏ ⵓⵙⵡⵓⴷⴷⵓ ⴷ ⵓⵙⵙⴰⵔⵓ ⵉⵣⴷⵉⵏ ⴷ ⵜⵙⵏⵓⵔⴰⵢⵜ ⵜⴰⵏⵎⵏⴰⴹⵜ ⵏ ⵓⵣⵣⴳⵉⵔ ⵏ ⵉⵙⵏⴼⴰⵔⵏ ;
- ⴰⵙⵡⵓⴷⴷⵓ ⵏ ⵉⵙⴷⴰⵡⵏ ⴰⴽⴽⵯ ⵉⵥⵕⴼⴰⵏⵏ ⴷ ⵉⴷⵎⵙⴰⵏⵏ.
- ⵜⴰⵙⵇⵇⵉⵎⵜ ⵏ ⵓⵙⵉⵍⵖ, ⵏ ⵓⵎⵢⴰⵡⴰⵙ ⴷ ⵜⵎⴷⵔⴰⵡⵜ, ⵜⴰⵙⵍⵡⴰⵢⵜ ⵏⵏⵙ ⵎⴰⵙⵙⴰ ⴼⴰⵟⵉⵎⴰ ⴰⵎⵣⵉⵍ, ⵉⵙⵖⵍⴼⵏ ⵏⵏⵙ ⵉⴷⵙⵍⴰⵏ ⴳⴰⵏ ⵜⵏ :
- ⵜⵓⴳⵉ ⵏ ⵡⴰⵎⴰⵙⵙ ⵉⵏⵎⵏⴰⴹⵏ ⵏ ⵓⵙⵉⵍⵖ ⴷ ⵓⵙⵉⵍⵖ ⴰⵙⵓⵍⴰⵏ ;
- ⴰⵙⵓⴷⵙ ⵏ ⵜⵙⵓⵜⵍⵜⵉⵏ ⵏ ⵓⵙⵉⵍⵖ ⴰⵙⵓⵍⴰⵏ ⵉ ⵉⴳⵎⴰⵎⵏ ⵏ ⵉⵙⵇⵇⵉⵎⵏ ⴷ ⵉⵏⴰⵡⵓⵔⵏ ⵏ ⵜⴳⵔⴰⵡⵉⵏ ⵜⵉⵏⴰⴽⴰⵍⵉⵏ ⵉⵡⴰⵍⴰⵏ ⵉ ⵜⵎⵏⴰⵏⴰⴹⵜ ;
- ⵜⵓⴳⵉ ⵏ ⵡⴰⵎⴰⵙⵙ ⵉⵏⵎⵏⴰⴹⵏ ⵏ ⵓⵙⵡⵓⵔⵉ ⴷ ⵜⴳⵎⵉ ⵏ ⵜⵙⵓⴳⴰⵔ ⴰⴼⴰⴷ ⴰⴷ ⵢⵉⵍⵉ ⵓⵙⵉⴷⴼ ⵏ ⵉⵄⵔⵔⵉⵎⵏ ⴳ ⵓⴳⴰⴷⴰⵣ ⵏ ⵓⵙⵡⵓⵔⵉ ;
- ⵜⴰⵎⵖⵓⵏⵜ ⵏ ⵜⵎⴰⵢⵇⵇⴰⵏⵉⵏ ⵏ ⵓⴽⵏⵉⵡ ⴷ ⵓⵎⵢⴰⵡⴰⵙ ⵡⴰⵔⴰⵎⵎⴰⵙ ⴰⴽⴷ ⵜⴳⵔⴰⵡⵉⵏ ⵜⵉⵏⴰⵎⵓⵔⵉⵏ ⴷ/ⵏⵉⵖ ⵜⵉⴳⵔⴰⵖⵍⴰⵏⵉⵏ ;
- ⴰⵙⵎⵓⵜⵜⴳ ⵏ ⵜⵎⴰⵢⵇⵇⴰⵏⵉⵏ ⵏ ⵓⵎⵢⴰⵡⴰⵙ ⴷ ⵜⵎⴷⵔⴰⵡⵜ ⴰⴽⴷ ⵓⴳⵔⴰⵡ ⴰⴳⴷⵓⴷⴰⵏ ⴷ ⵓⵙⵍⵉⴳ…
- ⵜⴰⵙⵇⵇⵉⵎⵜ ⵏ ⵓⵙⵎⵙⴰⵙⴰ ⵏ ⵓⴷⵖⴰⵔ, ⴰⵙⵍⵡⴰⵢ ⵏⵏⵙ ⵎⴰⵙⵙ ⵍⵄⵔⴱⵉ ⵍⴰⵃⵙⴰⵢⵏⵉ, ⵜⵙⵡⵓⵔⵉ ⵅⴼ ⵜⵉⴳⴰⵡⵉⵏ ⵣⴷⵉⵏⵉⵏ ⴷ ⵓⵙⵎⵙⴰⵙⴰ ⵢⵓⵎⴰⵏ ⵏ ⵓⴷⵖⴰⵔ ⴰⵏⵎⵏⴰⴹ ⵣⵓⵏ ⴷ :
- ⴰⵙⵎⵙⴰⵙⴰ ⵏ ⵓⵙⴰⵢⵔⵓⵔ ;
- ⵜⵉⴳⵎⵉ ⵜⴰⵙⵓⵍⴰⵏⵜ ⴷ ⵜⴳⴰⵎⴰⵏⵜ ;
- ⴰⵙⵎⵓⵜⵜⴳ, ⴰⵙⵓⴷⵙ ⴷ ⵓⴹⴼⵕ ⵏ ⵓⵖⴰⵡⴰⵙ ⵏ ⵡⴰⵙⵙⴰⵢ ⵏⵏⴰ ⵓⵔ ⵉⴳⵉⵏ ⴰⵖⵔⵎⴰⵏ ⵏⴳⵔ ⵜⴳⵔⴰⵡⵉⵏ ⵜⵉⵏⴰⴽⴰⵍⵉⵏ ⵜⵉⵏⵎⵏⴰⴹ ;
- ⴰⵙⵙⵕⵚⴰ ⵏ ⵉⵎⴰⵡⴰⵜⵏ ⴷ ⵜⵓⵚⴽⵉⵡⵉⵏ ⵜⵉⵏⴰⴷⴷⴰⵡⵉⵏ…
- ⵜⴰⵙⵇⵇⵉⵎⵜ ⵏ ⵜⴳⵎⵉ ⵜⴰⴷⵎⵙⴰⵏⵜ, ⴰⵙⵍⵡⴰⵢ ⵏⵏⵙ ⵎⴰⵙⵙ ⵎⵓⵃⵎⵎⴰⴷ ⵍⵄⴰⴱⵓⴱⵉ, ⵜⵡⴰⵍⴰ ⵜⴰⵖⵓⵔⵉ ⵏ ⵉⵙⴷⴰⵡⵏ ⵉⵣⴷⵉⵏ ⴷ ⵜⴳⵎⵉ ⵜⴰⴷⵎⵙⴰⵏⵜ ⵣⵓⵏ ⴷ :
- ⵜⴰⴼⵏⵉⵇⵜ ⵏ ⵓⵙⵓⴷⵙ ⵉ ⵜⵎⵙⵙⵏⵜⴰⵢ ;
- ⵜⴰⵏⴽⵔⴰ ⵙ ⵓⵙⵙⴰⵔⵓ ;
- ⵜⵓⴳⵉ ⵏ ⵉⴷⵖⴰⵔⵏ ⵏ ⵜⵉⵍⴰⵍ ⵏ ⵜⵏⵉⴹⵉ ⴷ ⵜⴰⵣⵣⵓⵍⵉⵏ ;
- ⵜⴰⵏⴽⵔⴰ ⵙ ⵉⴳⴰⴷⴰⵣⵏ ⵉⵎⵇⵇⵔⴰⵏⵏ ⵉⵏⵎⵏⴰⴹⵏ ;
- ⵜⴰⵏⴽⵔⴰ ⵙ ⵜⴷⵎⵙⴰ ⵜⴰⵏⴰⵎⵓⵏⵜ ⴷ ⵉⵢⴰⴼⵓⵜⵏ ⵉⴷⵖⵔⴰⵏⵏ ;
- ⵜⴰⵏⴽⵔⴰ ⵙ ⵢⵉⴳⵔ ⵏ ⵜⵎⴰⵍⵍⴰⵢⵜ…
- ⵜⴰⵙⵇⵇⵉⵎⵜ ⵏ ⵜⴳⵎⵉ ⵜⴰⵏⴰⵎⵓⵏⵜ, ⴰⵙⵍⵡⴰⵢ ⵏⵏⵙ ⵎⴰⵙⵙ ⵊⴰⵎⴰⵍ ⴷⵉⵡⴰⵏⵉ, ⵜⵡⴰⵍⴰ ⵜⴰⵖⵓⵔⵉ ⴷ ⵓⵙⵎⴽⵍ ⵏ ⵉⵙⵇⵙⵉⵜⵏ ⴰⴽⴽⵯ ⵉⵣⴷⵉⵏ ⴷ ⵜⴳⵎⵉ ⵜⴰⵏⴰⵎⵓⵏⵜ, ⵙⵍⴰⵡⴰⵏ ⴰⴽⴽⵯ :
- ⴰⵍⵍⴰⵙ ⵏ ⵜⵙⵖⵉⵢⵜ ⵜⴰⵏⴰⵎⵓⵏⵜ ;
- ⵜⵉⵡⵉⵙⵉ ⵜⴰⵏⴰⵎⵓⵏⵜ ;
- ⴰⵍⵍⴰⵙ ⵏ ⵜⵙⵖⵉⵢⵜ ⵏ ⵉⵖⵔⵎⴰⵏ ⴷ ⵜⵎⴷⵉⵏⵉⵏ ⵜⵉⵇⴱⵓⵔⵉⵏ ;
- ⵜⴰⵏⴽⵔⴰ ⵙ ⵓⵣⴷⴷⵓⵖ ⴰⵏⴰⵎⵓⵏ ;
- ⴰⴽⵛⵛⵓⵎ ⴳ ⵜⵖⴰⵡⵙⵉⵡⵉⵏ ⵉⵣⴷⵉⵏ ⴷ ⵢⵉⴳⵔ ⵏ ⵜⴷⵓⵙⵉ ⴷ ⵓⵙⵙⵍⵎⴷ…
- ⵜⴰⵙⵇⵇⵉⵎⵜ ⵏ ⵜⴳⵎⵉ ⵜⴰⴷⵍⵙⴰⵏⵜ, ⴰⵙⵍⵡⴰⵢ ⵏⵏⵙ ⵎⴰⵙⵙ ⵅⴰⵍⵉⴷ ⵎⵓⴽⵜⴰⴷⵉⵔ, ⴰⵙⵖⵍⴼ ⵏⵏⵙ ⴰⵃⵟⵟⵓ ⴷ ⵓⴼⵔⴰⴳ ⵏ ⵜⴰⵢⵙⵉ ⵜⴰⵎⴰⵜⵜⵉⵡⵜ ⴷ ⵜⴰⵔⵎⴰⵜⵜⵉⵡⵜ ⵜⴰⵏⵎⵏⴰⴹⵜ. ⴳ ⵜⵡⵓⵔⵉⵡⵉⵏ ⵏⵏⵙ :
- ⴰⵔⴰⵢ ⴷ ⵓⴼⵔⴰⴳ ⵏ ⵡⴰⵏⵙⴰⵜⵏ ⵉⵎⵣⵔⴰⵢⵏ ⵉⵏⵎⵏⴰⴹⵏ ;
- ⴰⵙⵓⴷⵙ ⴷ ⵡⴰⵏⵏⴰⵍ ⵏ ⵉⵏⵎⵓⴳⴳⴰⵔⵏ ⵉⴷⵍⵙⴰⵏⵏ, ⵉⵏⴰⵥⵓⵕⵏ ⴷ ⵉⵙⵓⵔⴰⵔⵏ ⵉⵏⵎⵏⴰⴹⵏ ;
- ⴰⵙⵓⵜⴳ ⵏ ⵜⴰⵢⵙⵉ ⵜⴰⴷⵍⵙⴰⵏⵜ ⵜⴰⴷⵖⵔⴰⵏⵜ ;
- ⵜⵓⴳⵉ ⴷ ⵓⵙⵡⵓⴷⴷⵓ ⵏ ⵜⵎⵔⵙⴰⵍ ⵜⵉⴷⵍⵙⴰⵏⵉⵏ ;
- ⴰⵙⵎⴰⵢⵏⵓ ⵏ ⵉⴷⵔⵉⵣⵏ, ⵉⵖⵔⵎⴰⵏ, ⵉⴳⵓⴷⴰⵔ,…
- ⵜⴰⵙⵇⵇⵉⵎⵜ ⵏ ⵜⴳⵎⵉ ⵜⴰⵡⵏⴹⴰⵏⵜ, ⴰⵙⵍⵡⴰⵢ ⵏⵏⵙ ⵎⴰⵙⵙ ⵃⵎⴰⴷ ⴱⵓⵜⴳⵓⵔⵉⵏ, ⵜⵙⵡⵓⵔⵉ ⵅⴼ ⵓⵙⴼⵍⵙ ⵏ ⵢⴰⵜ ⵜⴳⵎⵉ ⵜⴰⵙⵓⵍⴰⵏⵜ ⴳ ⵜⵎⵏⴰⴹⵜ, ⵣⵓⵏ ⴷ :
- ⴰⵙⵙⵕⵚⴰ ⵏ ⵜⵙⵜⵔⴰⵜⵉⵊⵉⵜ ⵜⴰⵏⵎⵏⴰⴹⵜ ⵉⵣⴷⵉⵏ ⴷ ⵜⴷⵎⵙⴰ ⵏ ⵡⴰⵎⴰⵏ ⴷ ⵜⵥⴹⴰⵕⵜ ;
- ⴰⵏⵏⴰⵍ ⵏ ⵜⵙⵏⵜⴰⵢⵉⵏ ⵉⵣⴷⵉⵏ ⴷ ⵜⵥⴹⴰⵕⵉⵏ ⵉⵜⵜⵓⵙⵎⴰⵢⵏⵓⵏ ;
- ⴰⴹⴼⵕ ⵏ ⵜⵙⵔⵜⵉⵜ ⵏ ⵓⴼⵔⴰⴳ ⵏ ⵜⵎⵏⴰⴹⵜ ⵙⴳ ⵉⵏⴳⵉⵜⵏ ;
- ⴰⵃⵟⵟⵓ ⵏ ⵉⵖⴱⵓⵍⴰ ⵉⴳⴰⵎⴰⵏⵏ ⴷ ⵓⵎⵢⴰⵏⴰⵡ ⴰⴱⵢⵓⵍⵓⵊⵉⵢ ;
- ⴰⴼⵔⴰⴳ ⵏ ⵢⵉⴳⵔ ⴰⵏⴰⴳⴰⵏ ;
- ⴰⵙⴱⴷⴷⵉ ⵏ ⵜⵎⵔⴽⵉⵜ ⴷ ⵓⵏⵣⵔⵓⴼ…