ⵜⴰⵎⴰⵍⵍⴰⵢⵜ

ⵙ ⵜⵣⴷⴳⵉ ⵏ ⵓⵏⵣⵡⵉ, ⵉⵎⵓⵖⵍⵉⵜⵏ ⵉⴳⴰⵎⴰⵏⵏ ⵖⵓⴷⴰⵏⵉⵏ, ⵜⴰⵢⵙⵉ ⵜⴰⵎⵏⴰⵡⴰⵢⵜ… ⴷⴰ ⵉⵜⵜⴳⴳ ⵙⵓⵙ ⵎⴰⵙⵙⴰ ⵢⴰⵜ ⵜⵎⵏⵉⵜ ⵜⴰⵎⴰⵍⵍⴰⵢⵜ ⵜⴰⴱⵖⵓⵔⴰⵏⵜ.

ⴽⵓ ⴰⵙⴳⴳⵯⴰⵙ ⵓⴳⴳⴰⵔ ⵏ ⵎⵍⵢⵓⵏ ⵏ ⵉⵏⵔⵣⴰⴼ ⴰⴷ ⴷ ⵉⵜⵜⴰⵛⴽⴰⵏ ⵙ ⵙⵓⵙ ⵎⴰⵙⵙ, ⵜⴱⵖⵓⵔ ⴰⵡⴷ ⵙ ⵜⴰⵖⴰⵔⵜ ⵏⵏⵙ ⵉⵜⵜⵡⴰⵙⵙⵏ ⴳ ⵓⵙⵡⵉⵔ ⴰⵏⴰⵎⵓⵔ ⵓⵍⴰ ⴰⴳⵔⴰⵖⵍⴰⵏ.

ⵙ ⵓⵙⵓⵙⵙⵏ ⵏⵏⵙ ⵙ ⵜⵎⴰⵍⵍⴰⵢⵜ ⵏ ⵜⴰⵖⴰⵔⵜ ⵙⵍⴰⵡⴰⵏ ⴰⴽⴽⵯ ⴳ ⵓⴷⵖⴰⵔ ⵏ ⵓⴳⴰⴷⵉⵔ (ⵎⴰⵔⵉⵏⴰ, ⴰⵏⴰⵢ ⵏ ⵜⴹⴹⴰⵏⴳⵉⵡⵉⵏ, ⴰⵙⴰⵢⵍⴰⵍ...), ⴷⴰ ⵜⴻⵜⵜⴰⵡⵉ ⵜⵎⵏⴰⴹⵜ ⴰⵡⴷ ⵉⵎⴰⵍⵍⴰⵢⵏ ⵙ ⵉⵎⵓⵖⵍⵉⵜⵏ ⴷ ⵜⵉⵍⴰⵍ ⵏ ⴱⵕⵕⴰ ⵏ ⵓⴷⵖⴰⵔ (ⵜⴰⵡⴰⴷⴰ ⵏ ⵓⵣⴰⵔⵓ ⵖⵣⵣⵉⴼⵏ, ⵉⵎⵓⴷⴷⵓⵜⵏ, ⵉⵣⵏⴰⴳⵏ…). ⵙ ⵓⵟⵟⵓⵏ, ⴰⵔ ⵢⴰⴽⴽⴰ ⵎⴰⵢⴰ 2323 ⵏ ⵜⵎⵔⵙⵉⵍⵜ ⵜⴰⵙⵏⵙⴰⵏⵜ ⵜⴰⵏⵎⴰⵍⴰⵏⵜ (1 ⴰⵔ 5 ⵉⵜⵔⴰⵏ) 39000 ⵏ ⵜⵉⵙⵉ, ⴰⵢⵍⵍⵉ ⵉⴳⴰⵏ 30 ⵏ ⵜⵥⵥⵉⴹⵕⴰ ⵏ ⵓⵣⴷⴷⵓⵖ ⴰⵏⴰⵎⵓⵔ, 4,7 ⵏ ⵉⴷ ⵎⵍⵢⵓⵏ ⵏ ⵢⵉⴹ ⴳ ⵓⵙⴳⴳⵯⴰⵙ, ⵢⴰⵏ ⴳ ⴽⵕⴰⴹ ⵏ ⵢⵉⴹ ⴰⵏⴰⵎⵓⵔ. ⵜⴳⴰ ⵢⴰⵜ ⵜⵉⵍⴰⵍⵜ ⵉⵙⵙⵡⵓⵔⵉⵏ ⵓⴳⴳⴰⵔ ⵏ 120000 ⵏ ⵢⴰⵏ ⴷ ⴰⵔ ⴷ ⵜⴼⴼⴰⵍ 15 ⵏ ⵉⴷ ⵎⵍⵢⴰⵔ ⵏ ⵉⴷⵔⵉⵎⵏ ⴰⴽⴷ ⵢⴰⵏ ⵡⴰⵜⵉⴳ ⵉⵜⵜⵡⵙⵎⴰⴷⵏ ⵏ 5,4 ⵉⴷ ⵎⵍⵢⴰⵔ ⵏ ⵉⴷⵔⵉⵎⵏ.

ⵙ ⵎⴰⴷ ⵉⵥⵍⵉⵏ ⵙ ⵓⵎⵓⴷⴷⵓ, ⴷⴰ ⵏⵜⵜⴰⴼⴰ ⴰⵏⴰⵡⵏ ⴰⴽⴽⵯ ⵉⵙⵏⵙⴰⵜⵏ, ⴰⵔⵉ ⴳ ⵜⴰⵖⴰⵔⵜ ⵏ ⵜⴰⴳⵓⵜ ⴷ ⵜⵎⴰⵍⵍⴰⵢⵜ ⵜⴰⵡⵏⴹⴰⵏⵜ ⴷ ⵓⵎⵓⴷⴷⵓ ⵢⴰⴹⵏ, ⴳ ⵜⵏⵣⵔⵓⴼⵜ ⵏ ⵍⵇⴱⵍⵜ ⵏⵉⵖ ⴳ ⵉⴷⵔⴰⵔⵏ ⵍⵍⵉ ⵉⵙⵙⵓⵜⵍⵏ ⵉ ⵜⵎⵏⴰⴹⵜ ⴳ ⵉⵥⵥⵍⵎⴹ ⴷ ⵉⴼⴼⵓⵙ. ⵜⵉⵎⵏⴰⴷ ⵥⵉⵍⵏⵉⵏ ⴳ ⵉⴷⵖⴰⵔⵏ ⵏ ⵡⴰⵔⴳⴰⵏ, ⵉⵖⵔⵎⴰⵏ, ⵉⵙⴰⴼⴼⵏ ⵣⴷⴷⴳⵏⵉⵏ ⵏⵉⵖ ⵉⵎⴰⴷⵍⵏ ⵏ ⵓⵎⵍⴰⵍ. ⵉⵙⵙⴰⵔⴰⵜⵏ ⴳ ⵉⴳⴰⴷⴰⵣⵏ ⴳⵔ ⵜⵏⵉⴹⵉ, ⵜⴰⵏⴰⵣⵓⴼⵜ ⵏ ⵢⴰⵜ ⵜⵎⵢⵓⵔⵜ ⵜⴰⵎⵏⴰⵡⴰⵢⵜ, ⵜⴰⴱⵖⵓⵔⴰⵏⵜ ⵙ ⵡⴰⵏⴰⵡ ⵏ ⵉⵎⵣⴷⴰⵖⵏ ⵉⵍⵍⴰⵏ ⴳ ⵜⵎⵏⴰⴹⵜ.

ⵜⴰⵖⴰⵣⵓⵜ ⴱⴰⵢ

ⴰⵙⵔⵙ ⴳ ⵜⴰⵖⴰⵔⵜ ⵉⵕⵥⵎⵏ ⵅⴼ ⵓⴷⵖⴰⵔ ⴰⴱⵕⵕⴰⵏ, ⵉⵜⵜⵡⴰⵙⵙⵏⵏ ⵙ ⵜⵖⴰⵔⴰ ⵜⴰⵡⵏⴹⴰⵏⵜ ⵜⴰⵎⴰⵜⵜⴰⵢⵜ, ⵉⵍⵍⴰ ⴳ 15 ⵏ ⵉⴷⴽⵉⵍⵓⵎⵉⵜⵔ ⵅⴼ ⵓⴳⴰⴷⵉⵔ ⵢⴰⵎⵥ ⵓⴳⴳⴰⵔ ⵏ 615 ⴳⵜⴰⵔ ⵙ ⵜⵥⵥⵉⴹⵕⴰ ⵏ ⵓⵙⵏⵓⴱⴳ ⵏ 12376 ⵏ ⵜⵉⵙⵉ. ⵉⵎⵙⴰⵙⴰ ⵓⵙⴳⵉⴷⴷⵉ ⵏ ⵓⵙⵔⵙ ⴰⴷ ⴰⴽⴷ ⵓⵃⵟⵟⵓ ⵏ ⵉⵖⴱⵓⵍⴰ ⵉⴳⴰⵎⴰⵏⵏ ⴰⵡⴷ ⴰⵣⵔⴰⴽ ⴷ ⵓⵙⵓⵜⴳ ⵏ ⵜⵥⵖⵓⵔⵜ ⵜⴰⵏⴰⵎⵓⵏⵜ ⵜⴰⴷⵍⵙⴰⵏⵜ ⵏ ⵜⵎⵏⴰⴹⵜ.