Send a message
ⵙ ⵎⴽⵍⵍⵉ ⴷ ⵢⵓⵙⴰⵏ ⴰⴽⴷ ⵜⴼⴰⴷⵉⵡⵉⵏ ⴷ ⵉⴷⴷⴰⵏ, ⵣⵎⵔⵏ ⵉⵏⵎⵓⵔⵉⵜⵏ ⴷ ⵜⵎⵙⵎⵓⵏⵉⵏ ⴰⴷ ⵏⵏ ⵙⵔⵙⵏ ⵉⵙⵓⵜⴰⵔ ⵏⵏⵙⵏ ⴰⴼⴰⴷ ⴰⴷ ⵉⵔⵏⵓ ⵓⵙⵇⵇⵉⵎ ⵓⵏⵎⵏⴰⴹ ⴽⵔⴰ ⵏ ⵜⵏⵇⵇⵉⴹⵜ ⴳ ⵓⵙⴽⵜⵓⵔ ⵏⵏⵙ. Uⵔ ⵓⴼⵉⵏ ⵉⵙⵓⵜⴰⵔ ⴰⴷ ⴰⴷ ⴷ ⴽⴽⵏ ⵅⴼ ⵉⵔⵎⵙⴽⵉⵍⵏ ⵉⵍⵍⴰⵏ ⴳ ⵜⵎⵏⴹⴰⵡⵜ.
ⵜⵉⴼⴰⴷⵉⵡⵉⵏ ⵏ ⵓⵙⵔⵙ ⵏ ⵉⵙⵓⵜⴰⵔ ⵏ ⵉⵏⵎⵓⵔⵉⵜⵏ :
ⵉⵇⵇⴰⵏ ⴷ ⴰⴷ ⵉⵍⵉⵏⵜ ⵜⴼⴰⴷⵉⵡⵉⵏ ⴰⴷ ⴳ ⵉⵏⵎⵓⵔⵉⵜⵏ ⵏⵏⴰ ⵔⴰⵏⵉⵏ ⴰⴷ ⵏⵏ ⵙⵔⵙⵏ ⵉⵙⵓⵜⴰⵔ ⵏⵏⵙⵏ :
- ⴰⴷ ⵣⴷⵖⵏ ⴳ ⵜⵎⵏⴰⴹⵜ ⴰⵏⵏ ⵏⵉⵖ ⴰⴷ ⴳⵉⵙ ⵜⵜⴳⴳⵏ ⴽⵔⴰ ⵏ ⵜⵉⵍⴰⵍⵜ ⵜⴰⴷⵎⵙⴰⵏⵜ ⵏⵉⵖ ⵜⴰⵙⵖⵏⵣⵉⵜ ⵏⵉⵖ ⵜⴰⵣⵣⵓⵍⴰⵏⵜ ;
- ⴰⴷ ⵜⵜⵓⵣⵎⵎⴻⵎⵏ ⴳ ⵜⵍⴳⴰⵎⵜ ⵏ ⵓⵙⵜⴰⵢ ; ;
- ⴰⴷ ⴷⴰⵔⵙⵏ ⵢⵉⵍⵉ ⴽⵔⴰ ⵏ ⵡⴰⵢⵔⴰ ⵉⵛⵛⴰⵔⵏ ⴳ ⵓⵙⵎⵏⵉⴷ ⵏ ⵓⵙⴰⵜⵓⵔ ; ;
- ⵓⵟⵟⵓⵏ ⵉⴷⵔⵓⵙⵏ ⵏ ⵉⵙⴳⵎⴹⵏ ⴰⴷ ⴷ ⵓⵔ ⵉⴳⴳⵯⵣ ⵉ ⵙⴹⵉⵚⵜ ⵜⵉⵎⵎⴰⴹ ⵏ ⵓⵎⵙⵜⴰⵢ ⴳ ⵜⵎⵏⴰⴹⵜ.
ⵜⵉⴼⴰⴷⵉⵡⵉⵏ ⵏ ⵓⵙⵔⵙ ⵏ ⵉⵙⵓⵜⴰⵔ ⵏ ⵜⵎⵙⵎⵓⵏⵉⵏ :
ⵉⵇⵇⴰⵏ ⴷ ⴰⴷ ⵉⵍⵉⵏⵜ ⵜⴼⴰⴷⵉⵡⵉⵏ ⴰⴷ ⴳ ⵜⵎⵙⵎⵓⵏⵉⵏ ⵏⵏⴰ ⵔⴰⵏⵉⵏ ⴰⴷ ⵏⵏ ⵙⵔⵙⵏⵜ ⵉⵙⵓⵜⴰⵔ ⵏⵏⵙⵏⵜ:
- ⴰⴷ ⵜⴳ ⵜⵎⵙⵎⵓⵏⵜ ⵉⵜⵜⵓⵙⵙⴰⵏⵏ, ⵜⵉⵍⵉ ⴳ ⵍⵎⵖⵔⵉⴱ ⵉⴳⴳⵉ ⵏ 3 ⵉⵙⴳⴳⵯⴰⵙⵏ, ⴷⴰ ⵜⵙⵡⵓⵔⵉ, ⵜⴹⴼⵕ ⵉⵎⵏⵣⴰⵢⵏ ⵉⴷⵉⵎⵓⵇⵔⴰⵜⵉⵜⵏ, ⵎⵙⴰⵙⴰⵏ ⴷ ⵉⵏⵎⴰⵍⴰⵜⵏ ⵏⵏⵙ ⵉⵙⵉⵍⴰⵏⵏ ⴰⴽⴷ ⵓⵣⵣⵔⴰⴼ ⵏⵏⴰ ⵉⵣⴷⵉⵏ ⴷ ⵓⵙⵏⵜⵍ ⴰⴷ ;
- ⴰⴷ ⵜⴳⵉⴷⴷⵉ, ⵜⵎⵙⴰⵙⴰ ⴷ ⵉⵙⵓⴹⴰⴼ ⴷ ⵉⵙⵏⵎⴰⵍⴰⵜⵏ ⵏⵏⴰ ⵉⵣⴷⵉⵏ ⴷ ⵓⵙⵏⵜⵍ ⴰⴷ ;
- ⴰⴷ ⵢⵉⵍⵉ ⵓⵣⴷⴷⵓⵖ ⵏ ⵜⵎⵙⵎⵓⵏⵜ ⵏⵉⵖ ⵢⴰⵏ ⴳ ⵡⴰⵢⵢⴰⵡⵏ ⵏⵏⵙ ⴳ ⵡⴰⴽⴰⵍ ⵏ ⵜⵎⵏⴰⴹⵜ ;
- ⴰⴷ ⵜⵣⴷⵉ ⵜⵉⵍⴰⵍⵜ ⵏ ⵜⵎⵙⵎⵓⵏⵜ ⴷ ⵓⵙⵏⵜⵍ ⵏ ⵓⵙⴰⵜⵓⵔ.
ⵜⴰⴱⵔⵉⴷⵜ ⵏ ⵓⵙⵔⵙ ⵏ ⵉⵙⵓⵜⴰⵔ :
- ⴷⴰ ⵏⵏ ⵏⵙⵔⵓⵙ ⴰⵙⴰⵜⵓⵔ ⵉ ⵓⵙⵍⵡⴰⵢ ⵏ ⵓⵙⵇⵇⵉⵎ ⴰⵏⵎⵏⴰⴹ, ⵏⵙⵎⵓⵏ ⴷⵉⵙ ⵜⵉⵏⵜⴰⵎⵉⵏ ⵍⵍⵉ ⵉⵜⵜⵡⵏⵏⴰⵏ ⴳ ⵜⴼⴰⴷⵉⵡⵉⵏ, ⵙ ⵜⵓⴳⴷⵓⵜ ⵏ ⵜⴼⵔⵜ ⵏ ⵉⵎⵉⵥ ;
- ⴷⴰ ⵉⵙⵙⵍⴽⴰⵎ ⵓⵙⵍⵡⴰⵢ ⵏ ⵓⵙⵇⵇⵉⵎ ⴰⵙⴰⵜⵓⵔ ⵉ ⵓⵙⵉⵔⴰ ⵏ ⵓⵙⵇⵇⵉⵎ, ⵍⵍⵉ ⵔⴰⴷ ⵉⵙⵙⵉⴷⴻⴷ ⴳ ⵓⵎⵙⴰⵙⴰ ⴰⴽⴷ ⵜⴼⴰⴷⵉⵡⵉⵏ ⵉⵜⵜⵡⵏⵏⴰⵏ ⴳ ⵜⵣⵡⵉⵔⵉ ;
- ⵉⵖ ⵉⵎⵜⴰⵡⵉ ⵓⵙⴰⵜⵓⵔ, ⴷⴰ ⵉⵜⵜⵓⵣⵎⵎⴰⵎ ⴳ ⵓⵙⴽⵜⵓⵔ ⵏ ⵜⵙⵓⵜⵍⵜ ⵜⴰⵎⴰⴷⴷⴰⵙⵜ ⴷ ⵉⴷⴷⴰⵏ, ⴷⴰ ⵜⵍⴽⴽⵎ ⵜⴰⵙⵇⵇⵉⵎⵜ ⵜⴰⵎⵖⵍⴰⵍⵜ ⵏⵉⵖ ⵜⵉⵙⵇⵇⵉⵎⵉⵏ ⵜⵉⵎⵖⵍⴰⵍⵉⵏ ⴷ ⵢⵓⵙⴰⵏ ⴰⴼⴰⴷ ⴰⴷ ⴳⵉⵙ ⵔⵣⵓⵏⵜ ⵓⵔⵜⴰ ⵜⵜⵓⵡⴼⴽⴰ ⵉ ⵓⵙⵇⵇⵉⵎ ⴰⴷ ⴼⵍⵍⴰⵙ ⵉⵎⴷⵉⵡⵉⵍ ;
- ⴰⵔ ⵉⵜⵜⵔⴰⵔ ⵓⵙⵍⵡⴰⵢ ⵏ ⵓⵙⵇⵇⵉⵎ ⵅⴼ ⵓⵎⵙⵎⴷⵢⴰ ⵓⵍⴳⵉⵏ ⵏ ⵜⵎⵙⵎⵓⵏⵜ ⵉⵖ ⵉⵎⵜⴰⵡⵉ ⵓⵙⴰⵜⵓⵔ ⵓⵍⴰ ⵉⵖ ⵓⵔ ⵉⵎⵜⴰⵡⵉ.