ⵜⵜⵓⵉ

ⵜⴰⵙⵏⵓⵔⴰⵢⵜ ⵜⴰⵏⵎⵏⴰⴹⵜ ⵏ ⵓⵣⵣⴳⵉⵔ ⵏ ⵉⵙⵏⴼⴰⵔⵏ

 
 
ⵙ ⵜⵙⵏⵙⵉ ⵏ ⵓⵎⴳⵔⴰⴷ 128 ⵏ ⵓⵙⴰⴹⵓⴼ ⴰⵎⴰⴷⴷⴰⵙ 111-14, ⵉⴳⴳ ⵓⵙⵇⵇⵉⵎ ⴰⵏⵎⵏⴰⴹ ⴰⵙⵙⵔⵕⵚⴰ ⵏ ⵢⴰⵜ ⵜⵙⵏⵓⵔⴰⵢⵜ ⵜⴰⵏⵎⵏⴰⴹⵜ ⵏ ⵓⵣⵣⴳⵉⵔ ⵏ ⵉⵙⵏⴼⴰⵔⵏ (ⵜⵜⵓⵉ), ⵍⵍⵉ ⵉⴳⴰⵏ ⴰⵎ ⵢⴰⵏ ⵓⵡⵔⵉⴽ ⴰⵖⴰⵔⴰⵏ ⵏⵏⴰ ⴷⴰⵔ ⴰⵣⵔⴼ ⴰⴳⴷⵓⴷⴰⵏ ⵍⵍⵉ ⴰⵙ ⵢⴰⴽⴽⴰⵏ ⵢⴰⵜ ⵜⵙⵉⵎⴰⵏⵜ ⵜⴰⵎⵙⵙⵓⴳⵓⵔⵜ ⴷ ⵜⵥⵕⴼⴰⵏⵜ.
 
ⵉⵍⵍⴰ ⵎⴰⵙⵙ ⵃⴰⴽⵉⵎ ⴱⵓⵀⵓⵜ, ⴳ ⵓⴼⵍⵍⴰ ⵏ ⵜⵙⵏⵓⵔⴰⵢⵜ ⵜⴰⵏⵎⵏⴰⴹⵜ ⵏ ⵓⵣⵣⴳⵉⵔ ⵏ ⵉⵙⵏⴼⴰⵔⵏ ⵏ ⵙⵓⵙ ⵎⴰⵙⵙⴰ, ⵙⴳ 01 ⵉⵏⵏⴰⵢⵔ 2017. ⵎⴰⵙⵙ ⴱⵓⵀⵓⵜ ⵉⴳⴰ ⴰⵎⵜⵡⴰⵍ ⵏ ⵓⵡⴰⵏⴽ, ⵉⵍⵉⵏ ⴷⴰⵔⵙ ⵜⵓⴳⵜ ⵏ ⵉⵙⴳⴳⵯⴰⵙⵏ ⵏ ⵜⵉⵔⵎⵉⵜⵉⵏ. ⵉⵙⵡⵓⵔⵉ ⴳ ⵜⵓⴳⵜ ⵏ ⵉⴷⵖⴰⵔⵏ ⵏ ⵜⵎⴰⵙⴰⵢⵜ : ⴰⵏⵎⵀⴰⵍ ⴰⵏⵎⵏⴰⴹ ⵏ ⵓⵎⴰⵡⴰ, ⵏ ⵡⴰⵙⵙⴰⵢ ⴷ ⵍⵓⵊⵉⵙⵜⵉⴽ ⴳ ⵟⴰⵏⵊⴰ-ⵜⵉⵟⵟⴰⵡⵉⵏ-ⵍⵃⵓⵙⴰⵢⵎⴰ (ⵛⵓⵜⴰⵏⴱⵉⵔ 2015- ⵜⵉⴳⵉⵔⴰ ⵏ 2016) ⴷ ⵙⵓⵙ ⵎⴰⵙⵙⴰ ⴹⵕⴰ (2011-2015).
 

ⵉⵙⵖⵍⴰⴼ ⵏ ⵜⵙⵏⵓⵔⴰⵢⵜ :

 
- ⵜⵉⵡⵉⵙⵉ ⵜⴰⵣⵔⴼⴰⵏⵜ, ⴰⵜⵡⴰⵍ ⴰⵜⵉⵇⵏⵉ ⴷ ⵓⵥⵕⴼⴰⵏ, ⵉ ⵓⵙⵇⵇⵉⵎ ⵙ ⵜⵓⵜⵔⴰ ⵏ ⵓⵙⵍⵡⴰⵢ, ⴳ ⵜⵖⵓⵔⵉ ⴷ ⵓⵙⵎⴰⵔ ⵏ ⵉⵙⵏⴼⴰⵔⵏ ⴷ ⵉⵖⴰⵡⴰⵙⵏ ⵏ ⵜⴳⵎⵉ ; 
- ⴰⵣⵣⴳⵉⵔ ⵏ ⵉⵙⵏⴼⴰⵔⵏ ⴷ ⵉⵖⴰⵡⴰⵙⵏ ⵏ ⵜⴳⵎⵉ ⵍⵍⵉ ⵅⴼ ⴷ ⵉⵎⵙⴰⵙⴰ ⵓⵙⵇⵇⵉⵎ.
 

ⵜⴰⵖⵙⵙⴰ ⵏ ⵜⵙⵏⵓⵔⴰⵢⵜ:

 
ⵜⵟⵟⴰⴼ ⵜⵙⵏⵓⵔⴰⵢⵜ ⵢⴰⵏ ⵓⴳⵔⴰⵡ ⵏ ⵜⵉⴹⴰⴼ ⴷ ⵓⵙⵍⴳⴰⵎⵓ ⵍⵍⵉ ⵉⵙⵡⵓⴷⴷⵓ ⵓⵏⵎⵀⴰⵍ ⴷⴷⴰⵡ ⵏ ⵜⵙⵍⵡⴰⵢⵜ ⵏ ⵓⵙⵍⵡⴰⵢ ⵏ ⵓⵙⵇⵇⵉⵎ ⴰⵏⵎⵏⴰⴹ. ⵉⵍⵍⴰ ⴳⵉⵙ :

• ⵙⵉⵏ ⵉⴳⵎⴰⵎⵏ ⵏ ⵓⵙⵇⵇⵉⵎ ⴰⵏⵎⵏⴰⴹ, ⴷⴰ ⵜⵏ ⵉⵙⵜⴰⵢ ⵓⵙⵍⵡⴰⵢ ;
• ⵢⴰⵏ ⵓⴳⵎⴰⵎ ⵏ ⵜⵓⵣⵍⵜ, ⴷⴰ ⵜ ⵉⵙⵜⴰⵢ ⵓⵙⵇⵇⵉⵎ ;
• ⵉⵙⵍⵡⴰⵢⵏ ⵏ ⵜⵙⵇⵇⵉⵎⵉⵏ :

• ⴰⵎⵙⴰⵙⴰ ⵏ ⵓⴷⵖⴰⵔ ⵏ ⵜⵎⵏⴰⴹⵜ ;
• ⵜⴰⵎⵙⴰⵙⵜⵍⵜ, ⵜⴰⴷⵔⵉⵎⵜ ⴷ ⵓⵙⵖⵉⵡⵙ ;
• ⵜⵉⴳⵎⵉ ⵜⴰⴷⵎⵙⴰⵏⵜ ;
• ⵜⵉⴳⵎⵉ ⵜⴰⵏⴰⵎⵓⵏⵜ ;
• ⵜⵉⴳⵎⵉ ⵜⴰⴷⵍⵙⴰⵏⵜ ;
• ⵜⵉⴳⵎⵉ ⵜⴰⵡⵏⴹⴰⵏⵜ.

ⵜⵉⵡⵓⵔⵉⵡⵉⵏ ⵏ ⵓⴳⵔⴰⵡ ⵏ ⵜⵉⴹⴰⴼ ⴷ ⵓⵙⵍⴳⴰⵎⵓ :

• ⴰⵙⵎⵓⵜⵜⴳ ⵏ ⵓⵖⴰⵡⴰⵙ ⵏ ⵜⵉⴳⴰⵡⵜ ⵏ ⵜⵙⵏⵓⵔⴰⵢⵜ ;
• ⴰⵙⴱⴷⴷ ⵏ ⵜⵎⵙⴰⵙⵜⵍⵜ ⵜⴰⵙⴳⵯⵙⴰⵏⵜ ⴷ ⵜⵏⵎⵎⴰⵍⵉⵏ ⵎⵓ ⵜⵓⴳⵜ ⵏ ⵉⵙⴳⴳⵯⴰⵙⵏ ;
• ⴰⵙⴱⴷⴷ ⵏ ⵉⵙⵉⴹⵏ ⴷ ⵓⵥⵍⴰⵢ ⵏ ⵜⵢⴰⴼⵓⵜⵉⵏ ;
• ⴰⵎⵙⴰⵙⴰ ⵏ ⵜⵏⵎⵎⴰⵍⵉⵏ ⵜⵉⵎⵙⵙⵉⴹⵏⵉⵏ ⴷ ⵜⵥⵕⴼⴰⵏⵉⵏ ⵉⵣⴷⵉⵏ ⴰⴽⴷ ⴷ ⵜⴷⵔⵉⵎⵜ ⵏ ⵜⵙⵏⵓⵔⴰⵢⵜ ;
• ⴰⵙⵙⵕⵚⴰ ⵏ ⵓⵏⵎⴰⵍⴰ ⴰⴷⵙⵍⴰⵏ ⵏ ⵓⵏⵉⵎⴰⵏ ⵏ ⵜⵙⵏⵓⵔⴰⵢⵜ ;
• ⴰⵎⵙⴰⵙⴰ ⵅⴼ ⵓⵏⴳⵎⴰⵎ ⵏ ⵜⵙⵏⵓⵔⴰⵢⵜ ;
• ⴰⵎⵙⴰⵙⴰ ⵅⴼ ⵓⵏⵇⵇⵉⵙ ⴰⵙⴳⵯⵙⴰⵏ ;
• ⵜⵓⵜⵔⴰ ⵏ ⵜⵎⵀⵍⵉⵏ ⵏ ⵓⵙⵏⵖⴷ, ⵏ ⵜⵉⴹⴰⴼ ⴷ ⵜⵢⴰⴷⵓⵣⵜ.