ⵜⴰⴽⵔⵣⴰ

ⵜⴳⴰ ⵜⴽⵔⵣⴰ ⵜⴰⵎⵙⵙⵉⵍⵉⵜ ⵜⴰⴷⵎⵙⴰⵏⵜ ⵏ ⵜⵉⴷⵜ ⵉ ⵜⵎⵏⴰⴹⵜ ⵙⵓⵙ ⵎⴰⵙⵙⴰ, ⵜⴳ ⵢⴰⵏ ⵓⵏⵎⵎⴰⵍ ⵏ ⵓⵙⵉⴷⴼ ⵉ ⵉⵎⵣⴷⴰⵖⵏ ⵉⴷⵖⵔⴰⵏⵏ.

ⵜⴳⴰ ⵜⵎⵏⴰⴹⵜ ⵙⵓⵙ ⵎⴰⵙⵙⴰ ⵜⴰⵎⵣⵡⴰⵔⵓⵜ ⴳ ⵜⴽⵔⵣⴰ ⵜⴰⵎⵏⵣⵓⵜ ⴷ ⵜⵙⵎⵎⴰⵎⵉⵏ ⴳ ⵜⵎⴰⵣⵉⵔⵜ ⵏⵏⵖ ⵙ ⵓⵢⴰⴼⵓ ⴰⴳⵏⵙⵓ ⵓⵣⴷⵉⴳ ⴰⵏⵎⵏⴰⴹ 17,3% /ⴰⵏⴰⵎⵓⵔ 9%, ⴷ ⵓⵎⴰⴳⵓⵜ ⵏ 451165 ⴳⵜⴰⵔ ⵏ ⵡⴰⴽⴰⵍ ⵉⵜⵜⵡⴽⵔⴰⵣⵏ ⵍⵍⵉⵖ ⵉⴳⴰ 106664 ⵏ ⴳⵜⴰⵔ ⵡⴰⴷ ⵉⵜⵜⵓⵎⴰⵡⴰⵏ ⵙ ⵓⵏⴳⵔⴰⵡ ⵏ ⵉⵙⵙⵡⵉ ⵜⴰⵏⵇⵇⵉⴹⵜ ⵙ ⵜⵏⵇⵇⵉⴹⵜ.

 

ⴷⴷⴰⵡ ⵏ ⵓⵖⴰⵡⴰⵙ ⵍⵎⵖⵔⵉⴱ ⴰⵣⴳⵣⴰⵡ, ⵉⵥⵕⴰ ⵉⴳⵔ ⴰⴷ ⴳ ⵜⵎⵏⴰⴹⵜ ⵢⴰⵜ ⵜⴳⵎⵉ ⵉⴷⵓⵙⵏ, ⵉⵙⵙⴱⵖⵔ ⴳ ⵜⵓⴳⵜ ⵏ ⵉⵙⵏⴼⴰⵔⵏ ⵓⵚⴽⵉⵡⵏ, ⴳ ⵜⵖⴱⴰⵍⵓⵜ ⵓⵍⴰ ⴳ ⵓⵙⴼⵉ ⵏ ⵓⵙⴷⴷⵉ ⵏ ⵡⴰⵜⵉⴳ, ⵙⵍⴰⵡⴰⵏ ⴰⴽⴽⵯ ⴰⵙⵏⴼⴰⵔ ⵏ ⵓpⵟⵟ ⵏ ⵜⴽⵔⵣⴰ ⵜⴰⵎⵏⵣⵓⵜ ⵍⴳⵔⴷⴰⵏ, ⴰⵖⴰⵡⴰⵙ ⴰⵏⴰⵎⵓⵔ ⵏ ⵜⴷⵎⵙⴰ ⵏ ⵡⴰⵎⴰⵏ ⵏ ⵉⵙⵙⵡⵉ, ⴰⵙⵓⵜⴳ ⴷ ⵓⵙⵖⵓⴷⵓ ⵏ ⵉⵢⴰⴼⵓⵜⵏ ⵉⴷⵖⵔⴰⵏⵏ… 

 

ⴳ ⵜⵙⴳⴰ ⵢⴰⴹⵏ, ⴰⵙⵖⵓⴷⵓ ⴷ ⵓⵙⵓⵜⴳ ⵏ ⵉⵢⴰⴼⵓⵜⵏ ⵉⵏⵎⴽⵔⴰⵣⵏ ⵉⵏⵎⵏⴰⴹⵏ ⴷⴰ ⵉⵜⵜⵉⴳⵓⵜ ⵙⴳ ⵍⵍⵉⵖ ⵉⵙⵙⵏⵜⴰ ⵓⵙⵎⵀⵉⵍ ⵏ ⵓⴳⵊⴷⵉ ⴰⵎⴽⵔⴰⵣ ⴰⴳⴰⴷⵉⵔ. ⴰⵙⵏⴼⴰⵔ ⴰⴷ ⵉⵥⵓⵥⴹ ⴰⴷ ⵉⴳⴳ ⵢⴰⵜ ⵜⴷⴽⴽⵯⴰⵏⵜ ⵜⴰⵏⵎⵏⴰⴹⵜ ⵏ ⵜⵙⴰⵖⵓⵍⵜ ⵉ ⵓⵙⵏⴼⵍ, ⴰⵙⵙⵖⵏⵣⵉ ⴷ ⵓⴱⴹⴹⵓ ⵏ ⵉⵢⴰⴼⵓⵜⵏ ⵏ ⵜⴽⵔⵣⴰ. ⵔⴰⴷ ⵉⵙⵎⵓⵏ ⴳ ⵢⴰⵏ ⵡⴰⵏⵙⴰ ⵏ 75 ⴳⵜⴰⵔ ⵢⴰⵏ ⵓⴷⵖⴰⵔ ⵏ ⵜⵉⵍⴰⵍⵜ ⵏ ⵜⴽⵔⵣⴰ ⴷ ⵜⵎⴳⵓⵔⵉ, ⵢⴰⵏ ⵓⴷⵖⴰⵔ ⴰⵍⵓⵊⵉⵙⵜⵉⴽ ⴷ ⵜⵏⴰⴼⵓⵜⵉⵏ, ⵜⵉⴷⴽⴽⵯⴰⵏⵉⵏ ⵜⵉⵙⴱⴱⴰⴱⵉⵏ ⴷ ⵓⴱⴹⴹⵓ, ⴰⵎⵎⴰⵙ ⵏ ⵓⵙⵏⵓⴱⴳ ⵏ ⵉⵎⴼⴽⵉⵜⵏ ⵉ ⵜⵎⵙⵙⵏⵜⵉⵜⵉⵏ ⴷ ⵉⵡⴷⴰⵏ, ⴰⵡⴷ ⵢⴰⵏ "ⴽⴰⵍⵉⴱⵓⵍ" ⵉⵙⵎⵓⵏⵏ ⵉⵙⴰⵔⵎⵏ ⵏ ⵓⵔⵣⵣⵓ ⴷ ⵜⵉⴹⴰⴼ ⴷ ⵢⴰⵏ ⵡⴰⵎⵎⴰⵙ ⵏ ⵓⵙⵉⵍⵖ.