Send a message
ⵜⴰⵏⴼⵔⴰⵔⵜ ⵏ ⵡⴰⵢⴷⴰ ⴰⵎⵙⴷⴰⴳ, ⴰⵔⴽⵢⵓⵍⵓⵊⵉⵢ, ⴷ ⴰⵔⵎⴰⵜⵜⵉⵡ ⵜⴳⴳ ⴳ ⵙⵓⵙ ⵎⴰⵙⵙⴰ ⵢⴰⵏ ⵓⴷⵖⴰⵔ ⴰⴱⵖⵓⵔⴰⵏ ⴳ ⵓⵎⵏⵉⴷ ⴰⴷⵍⵙⴰⵏ. ⴳⵏⵜ ⵜⵓⴳⵜ ⵏ ⵜⵎⵙⴰⵔⵉⵏ ⴰⵏⵢⴰ ⵏ ⵜⵓⴷⵔⵜ ⵏ ⵉⵎⵣⴷⴰⵖⵏ ⵏ ⵜⵎⵏⴰⴹⵜ ⴰⴷ.
ⵙ ⵎⴽⴰⴷ, ⴷⴰ ⵉⵜⵜⵉⵍⵉ ⵓⵙⴼⵓⴳⵍⵓ ⵙ ⵓⵙⵢⵢⵙ, ⵉⵣⵍⵉ, ⴰⵥⴰⵡⴰⵏ ⴷ ⵜⵙⴽⵍⴰ ⴳ ⵜⵓⴳⵜ ⵏ ⵉⵏⵎⵓⴳⴳⴰⵔⵏ ⵉⵜⵜⵉⵍⵉⵏ ⴽⵓ ⴰⵙⴳⴳⵯⴰⵙ ⴳ ⵜⵙⴳⵉⵡⵉⵏ ⵏ ⵜⵎⵏⴰⴹⵜ. ⵎⴽⵍⵍⵉ ⵜⵜⴰⵡⵙⵏⵜ 33 ⵏ ⵜⵙⴷⵍⵉⵙⵉⵏ, 8 ⵉⵙⴰⵍⴰⵢⵏ, 13 ⵏ ⵓⴷⴷⵉⵙ ⴰⴷⵍⵙⴰⵏ ⴷ 7 ⵏ ⵉⵎⵣⴳⵓⵏⵏ ⵏⵏⴰ ⵉⵍⵍⴰⵏ ⴳ ⵜⵎⵏⴰⴹⵜ ⴳ ⵓⵙⵥⵏⵥⵕ ⵏⵏⵙ ⴰⴷⵍⵙⴰⵏ.
ⴰⵢⴷⴰ ⴰⵎⵙⴷⴰⴳ, ⴰⵔⴽⵢⵓⵍⵓⵊⵉⵢ, ⴷ ⴰⵔⵎⴰⵜⵜⵉⵡ ⵉⴳⴳ ⴳ ⵙⵓⵙ ⵎⴰⵙⵙⴰ ⵢⴰⵏ ⵓⴷⵖⴰⵔ ⴰⴱⵖⵓⵔⴰⵏ : ⵉⴼⵔⴰⵙⵏ ⴳ ⵉⵙⵓⵍⵉⵍⵏ, ⵉⵖⵔⴱⴰⵏ, ⵉⵖⵔⵎⴰⵏ, ⵉⴳⵓⴷⴰⵔ… ⵉⴼⵔⴽ ⵓⵙⵇⵇⵉⵎ ⴰⵏⵎⵏⴰⴹ ⵉ ⵜⵣⵎⵎⴰⵔ ⴰⴷ, ⵉⴳⴳ ⵢⴰⵏ ⵓⵙⵙⵕⵚⴰ ⵏ ⵢⴰⵜ ⵜⵙⵜⵔⴰⵜⵉⵊⵉⵢⵜ ⵜⴰⵏⵎⵏⴰⴹⵜ ⵉ ⵓⵙⵎⵎⴰⵙ ⵏ ⵢⵉⴳⵔ ⴰⴷ, ⴰⴼⵔⴰⴳ ⵏ ⵡⴰⵢⴷⴰ ⴷ ⵓⵙⵎⵔⵙ ⵏⵏⵙ ⴳ ⵜⴳⵎⵉ. ⴳ ⵜⵙⴳⴰ ⴰⴷ, ⵜⴻⵜⵜⵡⴰⵙⴽⴰⵔ ⵜⵎⵙⵎⵓⵏⵜ ⵙⵓⵙ ⵎⴰⵙⵙⴰ ⵉ ⵜⴳⵎⵉ ⵜⴰⴷⵍⵙⴰⵏⵜ ⵃⵎⴰ ⴰⴷ ⵢⵉⵍⵉ ⵓⵙⴷⵓⵙ ⵏ ⵓⵙⴰⵜⵉ ⴰⵎⵔⵙⵉⵍ ⴰⵏⵎⵏⴰⴹ. ⵙ ⵜⵎⴷⵔⴰⵡⵜ ⴰⴽⴷ ⵜⴳⵔⵓⵎⵎⴰ ⵏ ⵜⵎⵙⵎⵓⵏⵉⵏ ⴷ ⵜⵎⴰⴷⴷⴰⵙⵉⵏ ⵜⵓⵏⴱⵉⴹⵉⵏ ⴷ ⵜⴰⵔⵓⵏⴱⵉⴹⵉⵏ ⵙⵍⴰⵡⴰⵏ ⴰⴽⴽⵯ ⵜⴰⵎⵀⵍⴰ ⵜⴰⵏⵎⵏⴰⴹⵜ ⵏ ⵜⴷⵍⵙⴰ, ⵜⵡⴰⵜⵜⵙ ⵜⵎⵙⵎⵓⵏⵜ ⴰⴷ ⵜⴰⵍⵙ ⵉ ⵜⵓⵚⴽⴰ ⵏ ⵢⵉⴳⵔ ⴰⴷⵍⵙⴰⵏ ⴰⵏⴰⵥⵓⵕ, ⴰⵃⵟⵟⵓ ⴷ ⵓⵙⵓⵜⴳ ⵏ ⵡⴰⵢⴷⴰ ⴰⵎⴰⵜⵜⵉⵡ ⴷ ⵡⴰⵔⵎⴰⵜⵜⵉⵡ ⵏ ⵜⵎⵏⴰⴹⵜ ⴷ ⵓⵙⵙⵔⵇⴱ ⵏ ⵓⵙⵏⴼⵍⵓⵍ ⴰⵡⵏⴳⵉⵎ, ⴰⵏⴰⵥⵓⵕ ⴷ ⵓⴷⵍⵙⴰⵏ