Send a message
ⵜⵉⵣⵉⴳⵣⵜ ⵏ ⵜⵏⵎⵏⴰⴹⵜ ⵜⴰⵣⵡⴰⵔⴰⵢⵜ ⵜⵡⴰⵜⵜⵙ ⵜⴰⵔⴰⵎⵎⴰⵙⵜ ⵏ ⵜⵏⴱⴰⴹⵜ, ⵎⴽⴰⵏⵏ ⴰⴼ ⵉⵥⵍⵉ ⵓⵙⴰⴹⵓⴼ 111-14 ⵉ ⵜⵎⵏⴰⴹⵉⵏ ⵜⵓⴳⵜ ⵏ ⵜⵙⵉⵎⴰⵏⵜ ⵜⴰⵎⵙⵙⵓⴳⵓⵔⵜ ⴷ ⵜⵥⵕⴼⴰⵏⵜ. ⴰⵙⵙ ⴰ, ⴷⴰⵔ ⵓⵙⵍⵡⴰⵢ ⵏ ⵜⵎⵏⴰⴹⵜ ⴽⵉⴳⴰⵏ ⵏ ⵜⵏⴱⴰⴹⵉⵏ ⴰⴼⴰⴷ ⴰⴷ ⵉⵙⵡⵓⴷⴷⵓ ⵜⵉⵖⴰⵡⵙⵉⵡⵉⵏ ⵏ ⵜⵎⵏⴰⴹⵜ ⵙ ⵓⴹⴼⵕ ⵏ ⴰⵢⵍⵍⵉ ⵉⵍⵍⴰⵏ ⴳ ⵉⴹⵕⵉⵚⵏ ⵉⵙⵙⵍⴳⴰⵏⵏ. ⵉⴳⴰ ⴰⵎ « ⴰⵎⵙⴽⴰⵔ ⴰⵎⵙⵙⵓⴷⵙ » ⴳ ⵓⴷⵖⴰⵔ ⵏ ⵍⵡⴰⵍⵉ. ⵙ ⵎⴽⴰⴷ, ⴰⵎⵏⵣⴰⵢ ⵏ ⵓⵙⵡⵓⴷⴷⵓ ⵉⵍⴻⵍⵍⵉ ⵉⴱⴷⴷⵏ ⵅⴼ ⵉⵎⴷⵉⵡⵍⵏ ⵉⴷⵉⵎⵓⵇⵔⴰⵜⵉⵢⵏ, ⴰⴷ ⵉⵙⵡⵓⴷⴷⵓⵏ ⵜⴰⵏⴷⴱⴰⵍⵜ ⵏ ⵜⵎⵏⴰⴹⵉⵏ. ⴽⵓ ⴰⵙⵇⵇⵉⵎ ⴰⵏⵎⵏⴰⴹ ⴷⴰ ⵉⵙⵏⴽⴰⴷ ⴰⵙⴰⵜⵉ ⵏ ⵜⵙⴰⵖⵓⵍⵜ ⵉⵣⴷⵉⵏ ⴷ ⵎⴰⴷ ⴰⴽⴽⵯ ⵉⵥⵍⵉⵏ ⵙ ⵓⵎⵙⴰⵙⴰ ⵏ ⵓⴷⵖⴰⵔ ⴰⵡⴷ ⵜⵉⴳⵎⵉ ⵜⴰⴷⵎⵙⴰⵏⵜ ⴷ ⵜⵏⴰⵎⵓⵏⵜ ⵜⴰⵏⵎⵏⴰⴹⵜ. ⵙ ⵓⵣⴳⵣⵍ, ⴷ ⵓⴼⵔⴰⴽ ⵙ ⵓⵙⴰⴹⵓⴼ 111-14 ⵉⵣⴷⵉⵏ ⴷ ⵓⵙⵡⵓⴷⴷⵓ ⵏ ⵜⵎⵏⴰⴹⵉⵏ, ⴷⴰⵔ ⵓⵙⵇⵇⵉⵎ ⴰⵏⵎⵏⴰⴹ ⴽⵕⴰⴹⵜ ⵜⵙⵓⴳⴰⵔ ⵜⵉⴷⵙⵍⴰⵏⵉⵏ : ⵜⵉⵏⵉⵎⴰⵏⵉⵏ, ⵜⵉⵎⴷⵔⴰⵡⵉⵏ ⴰⴽⴷ ⵓⵡⵏⴰⴽ ⴷ ⵜⵉⴷ ⵜⵜⵓⵙⵏⴼⴰⵍⵏⵉⵏ.
I- ⵜⵉⵙⵓⴳⴰⵔ ⵜⵉⵏⵉⵎⴰⵏⵉⵏ :
ⴷⴰ ⵉⵜⵜⴳⴳ ⵓⵙⵇⵇⵉⵎ ⴰⵏⵎⵏⴰⴹ ⵜⵉⵙⵓⴳⴰⵔ ⵜⵉⵏⵉⵎⴰⵏⵉⵏ ⵉⵣⴷⵉⵏ ⴷ ⵜⴳⵎⵉ ⵜⴰⵏⵎⵏⴰⴹⵜ ⴷ ⵓⵎⵙⴰⵙⴰ ⵏ ⵓⴷⵖⴰⵔ. ⵎⴰⵢⴰ ⵉⵡⴰⵜⵜⵙ ⴰⴽⴽⵯ ⵉⴳⵔⴰⵏ ⵏ ⵜⴳⵎⵉ ⵜⴰⴷⵎⵙⴰⵏⵜ ⴷ ⵜⴷⵍⵙⴰⵏⵜ, ⵜⴰⵏⴽⵔⴰ ⵙ ⵓⵙⵡⵓⵔⵉ ⴷ ⵓⵙⵉⵍⵖ ⴰⵣⵣⵓⵍⴰⵏ ⴷ ⵓⵙⵓⵍⴰⵏ, ⵜⵉⴳⵎⵉ ⵜⴰⴳⴰⵎⵏⵜ, ⴰⵙⵙⴰⵢ, ⴰⴼⵔⴰⴳ ⵏ ⵓⵡⵏⴰⴹ ⴷ ⵓⵎⵢⴰⵡⴰⵙ ⴰⴳⵔⴰⵖⵍⴰⵏ. ⵖ ⵜⵙⴳⴰ ⵢⴰⴹⵏ, ⴷⴰⵔ ⵓⵙⵇⵇⵉⵎ ⴰⵏⵎⵏⴰⴹ ⴰⵙⵖⵍⴼ ⵏ ⵓⵙⵙⵕⵚⴰ, ⴰⴹⴼⵕ ⴷ ⵓⵣⵣⴳⵉⵔ, ⴷⴷⴰⵡ ⵏ ⵜⵉⴹⴰⴼ ⵏ ⵓⵙⵍⵡⴰⵢ ⵏⵏⵙ, ⴷ ⵓⵖⴰⵡⴰⵙ ⵏ ⵜⴳⵎⵉ ⵜⴰⵏⵎⵏⴰⴹⵜ ⴷ ⵜⵡⵏⴰⵖⵜ ⵜⴰⵏⵎⵏⴰⴹⵜ ⴷ ⵓⵎⵙⴰⵙⴰ ⵏ ⵓⴷⵖⴰⵔ, ⵉⵜⵜⵡⴰⵙⴽⴰⵔⵏ ⵙ ⵓⵎⵙⴰⵙⴰ ⴰⴽⴷ ⵉⵙⵡⴰⵍⴰⵜⵏ ⵉⵙⵔⵜⴰⵏⵏ ⵉⵎⴰⵜⴰⵢⵏ ⵉⵣⴷⵉⵏ ⴷ ⵓⵎⵙⴰⵙⴰ ⵏ ⵓⴷⵖⴰⵔ ⴳ ⵓⵙⵡⵉⵔ ⴰⵏⴰⵎⵓⵔ, ⴷ ⵙ ⵜⴷⵔⴰⵡⵜ ⵏ ⵜⴳⵔⴰⵡⵉⵏ ⵢⴰⴹⵏ ⵜⵉⵏⴰⴽⴰⵍⵉⵏ ⴷ ⵜⵎⵙⵙⵓⴳⵓⵔⵜ ⵜⴰⴳⴷⵓⴷⴰⵏⵜ, ⴰⵡⴷ ⵉⵎⵙⵎⴷⵢⴰⵜⵏ ⵏ ⵢⵉⴳⵔ ⵓⵙⵍⵉⴳ.
1. ⵜⵉⴳⵎⵉ ⵜⴰⵏⵎⵏⴰⴹⵜ :
ⵉⴳⵔⴰⵏ ⵏ ⵜⵙⵓⴳⴰⵔ ⵜⵉⵏⵉⵎⴰⵏⵉⵏ ⴳ ⵓⴳⵍⴰ ⵏ ⵜⴳⵎⵉ ⵜⴰⵏⵎⵏⴰⴹⵜ ⴳⴰⵏ ⵎⴽⴰⴷ : ⵜⵉⴳⵎⵉ ⵜⴰⴷⵎⵙⴰⵏⵜ, ⵜⵉⴳⵎⵉ ⵜⴰⴳⴰⵎⴰⵏⵜ, ⵜⴰⴷⵍⵙⴰ, ⴰⵡⵏⴰⴹ, ⴰⵎⵢⴰⵡⴰⵙ ⴰⴳⵔⴰⵖⵍⴰⵏ.
ⵜⵉⴳⵎⵉ ⵜⴰⴷⵎⵙⴰⵏⵜ :
- ⵜⵉⵡⵉⵙⵉ ⵉ ⵜⵎⵙⵙⵏⵜⵉⵜⵉⵏ ;
- ⵜⵓⵚⴽⴰ ⵏ ⵉⴷⵖⴰⵔⵏ ⵏ ⵜⵉⵍⴰⵍ ⵜⵉⴷⵎⵙⴰⵏⵉⵏ ⴳ ⵜⵎⵏⴰⴹⵜ ;
- ⴰⵎⵙⴰⵙⴰ ⵏ ⵉⴱⵔⵉⴷⵏ ⴷ ⵉⵙⴰⴽⴰⵜⵏ ⵉⵎⴰⵍⵍⴰⵢⵏ ;
- ⴰⵙⵉⵍⵉ ⵏ ⵉⴳⴰⴷⴰⵣⵏ ⵉⵎⵇⵇⵔⴰⵏⵏ ;
- ⵜⵓⴳⵉ ⵏ ⵉⴷⵖⴰⵔⵏ ⴷ ⵓⴷⴷⵉⵙⵏ ⵏ ⵜⵉⵍⴰⵍ ⵏ ⵜⵏⵉⴹⵉ ;
- ⵜⴰⵏⴽⵔⴰ ⵙ ⵉⵙⵙⴰⵔⵓⵜⵏ ;
- ⵜⴰⵏⴽⵔⴰ ⵙ ⵜⴷⵎⵙⴰ ⵜⴰⵏⴰⵎⵓⵏⵜ ⴷ ⵉⵢⴰⴼⵓⵜⵏ ⵉⴷⵖⵔⴰⵏⵏ ⵉⵏⵎⵏⴰⴹⵏ…
ⴰⵙⵉⵍⵖ ⴰⵣⵣⵓⵍⴰⵏ, ⴰⵙⵉⵍⵖ ⴰⵙⵓⵍⴰⵏ ⴷ ⵓⵙⵡⵓⵔⵉ :
- ⵜⵓⴳⵉ ⵏ ⵡⴰⵎⵎⴰⵙⵏ ⵉⵏⵎⵏⴰⴹⵏ ⵏ ⵓⵙⵉⵍⵖ ⴷ ⵡⴰⵎⵎⴰⵙⵏ ⵉⵏⵎⵏⴰⴹ ⵏ ⵓⵙⵡⵓⵔⵉ ⴷ ⵜⴳⵎⵉ ⵏ ⵜⵙⵓⴳⴰⵔ ⴰⴼⴰⴷ ⴰⴷ ⵢⵉⵍⵉ ⵓⵙⵉⴷⴼ ⴰⵣⵣⵓⵍⴰⵏ ;
- ⴰⵙⵉⵍⵖ ⴰⵙⵓⵍⴰⵏ ⵏ ⵉⴳⵎⴰⵎⵏ ⵏ ⵉⵙⵇⵇⵉⵎⵏ ⴷ ⵉⵎⵙⵖⴰⵏⵏ ⵏ ⵜⴳⵔⴰⵡⵉⵏ ⵜⵉⵏⴰⴽⴰⵍⵉⵏ
ⵜⵉⴳⵎⵉ ⵜⴰⴳⴰⵎⴰⵏⵜ :
- ⵜⵉⴳⵎⵉ ⵏ ⵜⵉⵍⴰⵍ ⵏⵏⴰ ⵓⵔ ⵉⴳⵉⵏ ⵜⵉⵏ ⵜⴽⵔⵣⴰ ⴳ ⵉⴷⵖⴰⵔⵏ ⵉⴳⴰⵎⴰⵏⵏ ;
- ⴰⵎⵙⴰⵙⴰ ⵏ ⵉⴱⵔⵉⴷⵏ ⵏⵏⴰ ⵓⵔ ⵉⴳⵉⵏ ⵉⵙⵎⵉⵍⵉⵏ…
ⴰⵙⵙⴰⵢ :
- ⴰⵙⴳⵉⴷⴷⵉ ⵏ ⵜⵡⵏⴰⵖⵜ ⵏ ⵡⴰⵙⵙⴰⵢ ⴳ ⵜⵥⴰⵢⵕⵜ ⵜⴰⵏⴰⴽⴰⵍⵜ ⵜⴰⵏⵎⵏⴰⴹⵜ ;
- ⴰⵙⵓⴷⵙ ⵏ ⵜⵡⵓⵔⵉⵡⵉⵏ ⵏ ⵡⴰⵙⵙⴰⵢ ⴰⴱⵔⴷⴰⵏ ⵏⵏⴰ ⵓⵔ ⵉⴳⵉⵏ ⴰⵖⵔⵎⴰⵏ ⵏⴳⵔ ⵜⵉⴳⵔⴰⵡⵉⵏ ⵜⵉⵏⴰⴽⴰⵍⵉⵏ ⵏ ⵜⵎⵏⴰⴹⵜ
ⵜⴰⴷⵍⵙⴰ :
- ⴰⵃⵟⵟⵓ ⴷ ⵓⴼⵔⴰⴳ ⵏ ⵡⴰⵏⵙⴰⵜⵏ ⵉⵔⴽⵢⵓⵍⵓⵊⵉⵜⵏ ;
- ⴰⵙⵓⴷⵙ ⵏ ⵉⵏⵎⵓⴳⴳⴰⵔⵏ ⵉⴷⵍⵙⴰⵏⵏ ⴷ ⵉⵙⵓⵔⴰⵔⵏ ;…
ⴰⵡⵏⴰⴹ :
- ⴰⵎⵙⴰⵙⴰ ⴷ ⵓⵙⵡⵓⴷⴷⵓ ⵏ ⵜⵣⵢⴰⵣⵣⴰⵍⵉⵏ ⵜⵉⵏⵎⵏⴰⴹⵉⵏ ;
- ⴰⵙⵙⵕⵚⴰ ⵏ ⵜⵙⵜⵔⴰⵜⵉⵊⵉⵜ ⵜⴰⵏⵎⵏⴰⴹⵜ ⵉⵣⴷⵉⵏ ⴷ ⵜⴷⵎⵙⴰ ⵏ ⵡⴰⵎⴰⵏ ⴷ ⵜⵥⴹⴰⵕⵜ ;
- ⴰⵏⵏⴰⵍ ⵏ ⵜⵙⵏⵜⴰⵢⵉⵏ ⵉⵣⴷⵉⵏ ⴷ ⵜⵥⴹⴰⵕⵉⵏ ⵉⵜⵜⵓⵙⵎⴰⵢⵏⵓⵏ ;…
ⴰⵎⵢⴰⵡⴰⵙ ⴰⴳⵔⴰⵖⵍⴰⵏ :
- ⵙ ⵓⵎⵙⴰⵙⴰ ⴰⴽⴷ ⵜⵏⴱⴰⴹⵉⵏ ⵜⵉⴳⴷⵓⴷⴰⵏⵉⵏ ⴷ ⵓⴹⴼⵕ ⵏ ⵉⵙⴰⴹⵓⴼⵏ ⴷ ⵉⵍⵓⴳⵏⵏ ⴷ ⵢⵓⵙⴰⵏ, ⵜⵣⵎⵎⵔ ⵜⵎⵏⴰⴹⵜ ⴰⴷ ⵜⴳⴳ ⵜⵉⵎⵖⵓⵏⵉⵏ ⵏ ⵜⵎⴷⵔⴰⵡⵜ ⴰⴽⴷ ⵉⵎⴳⴳⴰⵢⵏ ⵉⴱⵕⵕⴰⵏⵏ ⴳ ⵓⵙⴰⵜⵉ ⵏ ⵓⵎⵢⴰⵡⴰⵙ ⴰⴳⵔⴰⵖⵍⴰⵏ, ⵎⴽⵍⵍⵉ ⵜⵣⵎⵎⵔ ⴰⴷ ⵜⴰⵎⵥ ⵉⴷⵔⵉⵎⵏ ⴷ ⵜⵉⴼⵏⵉⵇⵉⵏ ⵏ ⵓⵙⵓⴷⵙ ;
- ⵓⴳⴷⵉⵍ ⴰⴷ ⵜⵉⵍⵉ ⴽⵔⴰ ⵏ ⵜⵎⵖⵓⵏⵜ ⵏ ⵜⵎⴷⵔⴰⵡⵜ ⵏⴳⵔ ⴽⵔⴰ ⵏ ⵓⵡⵏⴰⴽ ⴰⴱⵕⵕⴰⵏ ⴷ ⴽⵔⴰ ⵏ ⵜⵎⵏⴰⴹⵜ, ⵜⴰⵔⴰⴱⴱⵓⵜ ⵏ ⵜⵎⵏⴰⴹⵉⵏ ⵏⵉⵖ ⵜⵉⴳⵔⴰⵡⵉⵏ ⵜⵉⵏⴰⴽⴰⵍⵉⵏ ;
2. ⴰⵎⵙⴰⵙⴰ ⵏ ⵓⴷⵖⴰⵔ :
ⴷⴷⴰⵡ ⵏ ⵜⵉⴹⴰⴼ ⵏ ⵓⵙⵍⵡⴰⵢ ⵏⵏⵙ, ⵜⴳⴳ ⵓⵙⵇⵇⵉⵎ ⴰⵏⵎⵏⴰⴹ ⵢⴰⵏ ⵓⵙⵙⵕⵚⴰ ⵏ ⵜⵡⵏⴰⵖⵜ ⵜⴰⵏⵎⵏⴰⴹⵜ ⴷ ⵓⵎⵙⴰⵙⴰ ⵏ ⵓⴷⵖⴰⵔ ⵉⵜⵜⵡⴰⵙⴽⴰⵔⵏ ⵙ ⵓⵎⵙⴰⵙⴰ ⴰⴽⴷ ⵉⵙⵡⴰⵍⴰⵜⵏ ⵉⵙⵔⵜⴰⵏ ⵉⵎⴰⵜⴰⵢⵏ ⵉⵣⴷⵉⵏ ⴷ ⵓⵎⵙⴰⵙⴰ ⵏ ⵓⴷⵖⴰⵔ ⴳ ⵓⵙⵡⵉⵔ ⴰⵏⴰⵎⵓⵔ, ⴷ ⵙ ⵜⴷⵔⴰⵡⵜ ⵏ ⵜⴳⵔⴰⵡⵉⵏ ⵢⴰⴹⵏ ⵜⵉⵏⴰⴽⴰⵍⵉⵏ ⴷ ⵜⵎⵙⵙⵓⴳⵓⵔⵜ ⵜⴰⴳⴷⵓⴷⴰⵏⵜ, ⴰⵡⴷ ⵉⵎⵙⵎⴷⵢⴰⵜⵏ ⵏ ⵢⵉⴳⵔ ⵓⵙⵍⵉⴳ. ⵜⴳⴰ ⵜⵡⵏⴰⵖⵜ ⵜⴰⵏⵎⵏⴰⴹⵜ ⵏ ⵓⵎⵙⴰⵙⴰ ⵏ ⵓⴷⵖⴰⵔ ⵢⴰⵜ ⵜⴰⵏⵜⴰⵎⵜ ⵏ ⵜⵙⵖⵓⵍⵜ ⵉ ⵓⴷⵖⴰⵔ ⴰⵏⵎⵏⴰⴹ. ⵜⵡⴰⵜⵜⵙ ⴰⵙⵍⴼⵙ ⵏ ⵓⵎⵙⴰⵙⴰ ⵏⴳⵔ ⵏ ⵓⵡⵏⴰⴽ ⴷ ⵜⵎⵏⴰⴹⵜ ⵅⴼ ⵢⴰⵜ ⵜⴰⵏⵏⴰⵢⵜ ⵜⴰⵙⵜⵔⴰⵜⵉⵊⵉⵢⵜ ⵜⴰⵙⵏⵉⵎⴰⵍⵜ, ⴰⵢⵍⵍⵉ ⵔⴰⴷ ⵢⴰⵡⵙ ⴳ ⵓⵥⵍⴰⵢ ⵏ ⵉⵙⵡⴰⵍⴰⵜⵏ ⴷ ⵉⵙⵜⴰⵢⵏ ⵏ ⵜⴳⵎⵉ ⵜⴰⵏⵎⵏⴰⴹⵜ. ⵎⴰⵢⴰⴷ ⴰ ⵅⴼ ⵜⴳⴳ ⵢⴰⵏ ⵓⵙⴰⵜⵉ ⴰⵎⴰⵜⴰⵢ ⵏ ⵜⴳⵎⵉ ⵜⴰⵏⵎⵏⴰⴹⵜ ⵜⴰⵙⵓⵍⴰⵏⵜ ⵉⵎⵙⴰⵙⴰⵏ ⴰⴽⴷ ⵉⴳⵔⴰⵏ ⵉⵖⵔⵎⴰⵏⵏ ⴷ ⵉⴳⴰⵎⴰⵏⵏ. ⴰⵔ ⵉⵥⵍⵍⵉ ⵉⵙⵜⴰⵢⵏ ⵏ ⵉⵎⴰⵡⴰⵜⵏ ⴷ ⵜⵓⵚⴽⵉⵡⵉⵏ ⵜⵉⵏⴰⴷⴷⴰⵡⵉⵏ ⵜⵉⴳⴷⵓⴷⴰⵏⵉⵏ ⴳ ⵜⵎⵏⴰⴹⵜ, ⴰⵡⴷ ⵉⴳⵔⴰⵏ ⵏ ⵉⵙⵏⴼⴰⵔⵏ ⵉⵏⵎⵏⴰⴹⵏ ⴷ ⵓⵙⵖⵉⵡⵙ ⵏ ⵜⴼⵔⴽⵉⵡⵉⵏ ⵏ ⵓⵙⵓⵜⴳ ⵏⵏⵙⵏ ⴷ ⵜⵉⵏ ⵉⵙⵏⴼⴰⵔⵏ ⵉⵎⴰⴷⴷⴰⵙⵏ.
ⵎⵏⵣⵉ ⵜⴰⵏⴼⵔⴰⵔⵜ ⵏⵏⵙ, ⵉⵇⵇⴰⵏ ⴷ ⵜⵉⵎⵙⵙⵓⴳⵓⵔⵉⵏ, ⵜⵉⴳⵔⴰⵡⵉⵏ ⵜⵉⵏⴰⴽⴰⵍⵉⵏ, ⵜⵉⵎⵔⵙⵉⵍⵉⵏ ⵜⵉⴳⴷⵓⴷⴰⵏⵉⵏ ⴷ ⵜⵎⵙⵙⵏⵜⵉⵜⵉⵏ ⵜⵉⴳⴷⵓⴷⴰⵏⵉⵏ ⵜⵉⵏⵎⵏⴰⴹⵉⵏ ⴰⴷ ⴹⴼⵕⵏⵜ ⴳ ⵓⵙⴰⵜⵉ ⵏ ⵉⵖⴰⵡⴰⵙⵏ ⵏⵏⵙⵏⵜ ⵉⵙⵡⴰⵍⴰⵜⵏ ⴷ ⵉⵡⵜⵜⴰⵙⵏ ⵏ ⵜⵡⵏⴰⵖⵜ ⵜⴰⵏⵎⵏⴰⴹⵜ ⵏ ⵓⵎⵙⴰⵙⴰ ⵏ ⵓⴷⵖⴰⵔ.
II- ⵜⵉⵙⵓⴳⴰⵔ ⵜⵉⵎⴷⵔⴰⵡⵉⵏ :
ⵙ ⵜⵓⵜⵔⴰ ⵏⵏⵙ ⵏⵉⵖ ⵙ ⵜⵙⵏⵜⴰⵢⵜ ⵏ ⵓⵡⵏⵉⴽ, ⴷⴰ ⵜⴳⴳ ⵜⵎⵏⴰⴹⵜ ⵜⵉⵡⵓⵔⵉⵡⵉⵏ ⵏⵏⴰ ⵉⵜⵜⵡⴰⵙⵙⵏⵏ ⵙ ⵜⵙⵓⴳⴰⵔ ⵜⵉⵎⴷⵔⴰⵡⵉⵏ ⴱⴷⴷⵏⵉⵏ ⵅⴼ ⵜⵎⵖⵓⵏⵉⵏ ⴰⴽⴷ ⵓⵡⵏⵉⴽ. ⵣⴷⵉⵏⵜ ⴷ ⵉⴳⵔⴰⵏ ⵏ ⵜⴳⵎⵉ ⵜⴰⴷⵎⵙⴰⵏⵜ, ⵜⴰⵏⴰⵎⵓⵏⵜ, ⵜⴰⴷⵍⵙⴰⵏⵜ ⴷ ⵜⴳⴰⵎⴰⵏⵜ, ⴰⵃⵟⵟⵓ ⵏ ⵓⵡⵏⴰⴹ ⴷ ⵓⵙⵉⵍⵉ ⵏ ⵜⵎⴰⵍⵍⴰⵢⵜ.
ⵜⵉⴳⵎⵉ ⵜⴰⴷⵎⵙⴰⵏⵜ :
- ⴰⵙⵖⵓⴷⵓ ⵏ ⵜⵍⴷⴰⵢⵜ ⴷ ⵜⵎⵃⵉⵣⵡⴰⵔⵜ ⵜⴰⵏⴰⴽⴰⵍⵜ ;
- ⵜⴰⵏⴽⵔⴰ ⵙ ⵓⵙⵡⵓⵔⵉ ;
- ⴰⵙⵓⵜⴳ ⵏ ⵓⵔⵣⵣⵓ ⴰⵎⴰⵙⵙⴰⵏ ⵓⵙⵏⵉⵙ…
ⵜⵉⴳⵎⵉ ⵜⴰⴳⴰⵎⴰⵏⵜ :
- ⴰⵙⵉⵍⵉ ⵏ ⵜⴳⵔⴰⵡⵉⵏ ⵜⵉⴳⴰⵎⴰⵏⵉⵏ ;
- ⵜⵉⴳⵎⵉ ⵏ ⵉⴷⵖⴰⵔⵏ ⵉⴷⵔⵓⵔⴰⵏⵏ ;
- ⵜⵉⴳⵎⵉ ⵏ ⵉⴷⵖⴰⵔⵏ ⵏ ⵉⵥⵏⴰⴳⵏ ;
- ⵜⵓⴳⵉ ⵏ ⵉⴳⵊⴷⵉⵜⵏ ⵏ ⵜⴽⵔⵣⴰ ;
- ⴰⵊⵉⵊⵡ ⵏ ⵡⴰⵎⴰⵏ ⴷ ⵜⵔⵉⵙⵉⵏⵜⵉ ⵉ ⵉⴷⵖⴰⵔⵏ ⵉⴳⴰⵎⴰⵏⵏ.
ⵜⵉⴳⵎⵉ ⵜⴰⵏⴰⵎⵓⵏⵜ :
- ⵜⵉⵙⵖⵉⵢⵜ ⵜⴰⵏⴰⵎⵓⵏⵜ ;
- ⵜⵉⵡⵉⵙⵉ ⵜⴰⵏⴰⵎⵓⵏⵜ ;
- ⴰⵍⵍⴰⵙ ⵏ ⵜⵙⵖⵉⵢⵜ ⵏ ⵜⵎⴷⵉⵏⵉⵏ ⴷ ⵉⴷⵖⴰⵔⵏ ⵉⵇⴱⵓⵔⵏ ;
- ⵜⴰⵏⴽⵔⴰ ⵙ ⵓⵣⴷⴷⵓⵖ ⴰⵏⴰⵎⵓⵏ ;
- ⴰⵙⵉⵍⵉ ⵏ ⵜⵓⵏⵏⵓⵏⵉⵏ ⴷ ⵜⵔⴰⵎⵓⵙⵉⵏ.
ⴰⵡⵏⴰⴹ :
- ⴰⴼⵔⴰⴳ ⵙⴳ ⵉⵏⴳⵉⵜⵏ ;
- ⴰⵃⵟⵟⵓ ⵏ ⵉⵖⴱⵓⵍⴰ ⵉⴳⴰⵎⴰⵏⵏ ⴷ ⵓⵎⵢⴰⵏⴰⵡ ⴰⴱⵢⵓⵍⵓⵊⵉⵢ ;
- ⴰⵙⴱⴷⴷⵉ ⵏ ⵜⵎⵔⴽⵉⵜ ⴷ ⵓⵏⵣⵔⵓⴼ ;
- ⴰⵃⵟⵟⵓ ⵏ ⵉⴷⵖⴰⵔⵏ ⵉⴳⴰⵎⴰⵏⵏ ⵉⵎⵃⴹⵉⵜⵏ ;
- ⴰⵃⵟⵟⵓ ⴷ ⵓⵙⵓⵜⴳ ⵏ ⵡⴰⵢⴷⴰ ⴰⵏⴰⴳⴰⵏ ;
- ⴰⵃⵟⵟⵓ ⵏ ⵉⵖⴱⵓⵍⴰ ⵏ ⵡⴰⵎⴰⵏ.
ⵜⴰⴷⵍⵙⴰ :
- ⴰⵙⵓⵜⴳ ⵏ ⵡⴰⵢⴷⴰ ⴰⴷⵍⵙⴰⵏ ⴰⵏⵎⵏⴰⴹ ⴷ ⵜⴷⵍⵙⴰ ⵜⴰⴷⵖⵔⴰⵏⵜ ;
- ⴰⵙⵎⴰⵢⵏⵓ ⴷ ⵓⵃⵟⵟⵓ ⵏ ⵉⴷⵔⵉⵣⵏ ;
- ⵜⵓⴳⵉ ⵏ ⵜⵎⵔⵙⵉⵍⵉⵏ ⵜⵉⴷⵍⵙⴰⵏⵉⵏ.
ⵜⴰⵎⴰⵍⵍⴰⵢⵜ :
- ⴰⵙⵉⵍⵉ ⵏ ⵜⵎⴰⵍⵍⴰⵢⵜ ⵜⴰⵏⵎⵏⴰⴹⵜ.
III- ⵜⵉⵙⵓⴳⴰⵔ ⵜⵜⵓⵙⵏⴼⴰⵍⵏⵉⵏ :
ⴱⴷⴷⵏⵜ ⵜⵡⵓⵔⵉⵡⵉⵏ ⵜⵜⵓⵙⵏⴼⵍⴰⵏⵉⵏ ⵙⴳ ⴷⴰⵔ ⵓⵡⵏⴰⴽ ⵅⴼ ⵜⵙⵉⵍⴰ ⵏ ⵉⵎⵏⵣⴰⵢⵏ ⵏ ⵜⵣⵣⵉⴳⵣⵜ ⴷ ⵓⵎⵣⴰⵔⴰⵢ ⵏⴳⵔ ⵜⵎⵏⴰⴹⵉⵏ. ⵣⴷⵉⵏⵜ ⵓⴳⴳⴰⵔ ⴷ ⵉⴳⵔⴰⵏ ⴰⴷ :
ⴰⵎⴰⵡⴰ ⴷ ⵜⵓⵚⴽⵉⵡⵜ ⵜⴰⵏⴰⴷⴷⴰⵡⵜ ⵜⴰⵏⵎⵏⴰⴹⵜ :
- ⵜⴰⵎⴳⵓⵔⵉ;
- ⵜⴰⴷⵓⵙⵉ;
- ⵜⴰⵙⴱⴱⴰⴱⵜ;
- ⴰⵙⴳⵎⵉ;
- ⵜⴰⴷⵍⵙⴰ;
- ⵜⵓⵏⵏⵓⵏⵜ;
- ⵜⴰⵣⵎⴰⵔⵜ, ⴰⵎⴰⵏ ⴷ ⵓⵡⵏⴰⴹ.