Send a message
ⴳ ⵓⵙⴰⵜⵉ ⵏ ⵓⵙⵎⵏⵉⴷ ⵏ ⵜⵎⵏⴰⴹⵜ ⵏ ⵙⵓⵙ ⵎⴰⵙⵙⴰ ⴷ ⵓⵙⵓⵙⵙⵏ ⵏⵏⵙ ⵙ ⵓⴷⵎⴰⵡⵏ ⵏⵏⵙ ⴰⴽⴽⵯ ⵉⵎⵢⴰⵏⴰⵡⵏ, ⵉⴳⴳ ⵓⵙⵇⵇⵉⵎ ⴰⵏⵎⵏⴰⴹ ⵢⴰⵜ ⵜⴷⵉⵏⴰⵎⵉⵢⵜ ⵜⴰⵎⴰⵢⵏⵓⵜ ⴳ ⵓⵎⵢⴰⵡⴰⴹ ⵏⵏⵙ ⴰⵎⵔⵙⵉⵍ, ⵜⴰⵢⴰⴼⵓⵜ ⵏ ⵢⴰⵏ ⵓⵙⴳⴷⵣ ⴰⵏⴰⵎⴽⴰⵍ ⴱⵓ ⵜⵓⴳⵜ ⵏ ⵉⵎⵏⴰⴷⵏ ⵏⵏⴰ ⴳ ⵉⴳⴰ ⵡⴰⵏⵙⴰ ⵏ ⵍⴰⵏⵜⵉⵔⵏⵉⵜ ⵖⴰⵙ ⵢⴰⵜ ⵜⵉⵏⴷⵔⵜ ⵏⴳⵔ ⵜⵉⵢⵢⴰⴹ ⵏ ⵢⴰⵏ ⵓⵙⴷⴷⵉ ⵏ ⵜⵉⴳⴰⵡⵉⵏ ⵎⵙⴰⵙⴰⵏⵉⵏ.
ⴰⵏⵙⴰ ⴰⴷ ⴰⵎⵔⵙⵉⵍ, ⵉⴳⴰ ⴰⵙⵏⵜⵍ ⵏ ⵢⴰⵏ ⵓⵙⵎⴰⵢⵏⵓ ⴰⵎⴰⵜⴰⵢ ⴷ ⵢⵓⵙⴰⵏ ⵙⴳ ⵓⵙⵖⴰⵡⵙⴰ ⵙ ⵡⴰⵍⵍⴰⵙ ⵏ ⵜⴽⵙⵙⵓⵢⵜ ⵜⴰⵎⵖⵍⴰⵍⵜ ⴷ ⵜⵍⵓⴳⴰⵏⵜ, ⴰⴼⴰⴷ ⴰⴷ ⵉⴳ ⵜⴰⵖⴱⴰⵍⵓⵜ ⵏ ⵉⵏⵖⵎⵉⵙⵏ ⴷ ⵜⴷⵔⴰⵡⵜ ⵜⴰⴱⵖⵓⵔⴰⵏⵜ, ⵉⴳ ⵓⵍⴰ ⴰⵙⴽⵙⵍ ⵏ ⵡⴰⴷⴰⴼ ⵙ ⵜⵓⴳⵜ ⵏ ⵉⵙⴽⴼⴰ ⵉⵣⵔⴼⴰⵏⵏ, ⵉⵎⴰⴷⴷⴰⵙⵏ, ⵉⵔⴰⴽⴰⵍⵏ, ⵉⵏⴰⵎⵓⵏⵏ ⵉⴷⵎⵙⴰⵏⵏ, ⵉⵡⵏⴹⴰⵏⵏ, ⵉⴷⵍⵙⴰⵏⵏ ⴷ ⵉⵎⴰⵏⵓⵏⵏ ⵉⵜⵜⵡⴰⵥⵍⴰⵢⵏ ⵉ ⵡⴰⵏⴰⵡⵏ ⴰⴽⴽⵯ ⵏ ⵉⵎⵖⵔⵉⵜⵏ ⵏⵏⴰ ⵉⵔⴰⵏ ⴰⴷ ⵙⵙⵏⵏ ⵜⴰⵎⵏⴰⴹⵜ ⵏ ⵙⵓⵙ ⵎⴰⵙⵙⴰ.
ⴰⵏⵙⴰ ⴰⴷ, ⵔⴰⴷ ⵉⴳ ⵢⴰⵏ ⵉⵎⵉⵙ ⴰⵏⴼⵔⴰⵔ ⵏ ⵓⵏⴱⴰⴹ ⵉⵖⵓⴷⴰⵏ ⵏ ⵜⵖⴰⵡⵙⴰ ⵜⴰⴳⴷⵓⴷⴰⵏⵜ ⵙ ⵓⵣⵓⵛⵛⵍ ⵏ ⵓⵏⵇⵇⵉⵙ ⴰⵣⵎⵣⴰⵏ ⵏⵏⴰ ⵉⴳⴰⵏ ⵜⴰⵙⴰⵔⵓⵜ ⵏ ⵓⵙⴼⵍⵙ ⵏ ⵜⵍⵜⵜⵓⵖⵜ ⵉⵥⵉⵍⵏ ⵏ ⵉⵎⴳⴳⴰⵢⵏ ⵉⴳⴷⵓⴷⴰⵏⵏ ⴷ ⵉⵎⵥⵍⵉⵜⵏ ⴳ ⵜⵖⴰⵡⵙⵉⵡⵉⵏ ⵜⵉⵏⴰⴽⴰⵍⵉⵏ ⵙⵍⴰⵡⵏ ⴰⴽⴽⵯ ⵜⵉⵏⵎⵏⴰⴹⵉⵏ.
ⴰⵙⵙⴰⵔⴰⵢ ⵉⵖⵓⴷⴰⵏ ⴳ ⵜⴰⵙⵏⵉⵡⵉⵏ ⵏⵏⵖ.
ⴱⵔⴰⵀⵉⵎ ⵃⴰⴼⵉⴷⵉ